சனிக்கிழமை வெளியிடப்பட்டுள்ள சுகாதாரத்துறையின் அறிக்கையில் கொரோனா வைரஸ் பெருந்தொற்றுக்கு இலக்காகியவர்களில் கடந்த 24 மணிநேரத்தில் 80 பேர் உயிரிழந்துள்ளதாக தெரிவித்திருந்தது.
மருத்துமனைகளில் 76 பேரும், மூதாளர் இல்லங்களில் 4 பேரும் உயிரிழந்துள்ளதாகவும் தெரிவிக்கப்பட்டுள்ளது. இன்னமும் மருத்துவமனைகளில் 22 614 பேர் சிகிச்சை பெற்று வருவதோடு, புதிதாக 433 போ் வைரஸ் தொற்றுக்கு உள்ளாகியுள்ளனர்.
இந்நிலையில் பொதுமுடக்க நீக்கத்துக்கு இன்னமும் ஒரு நாளே இருக்கின்ற நிலையில், மக்களை வைரசோடு வாழப்பழக வைக்கும் யுத்தியாக, மக்களின் மனஅச்சத்தை குறைப்பதற்கு, உயிரிழப்புகளின் எண்ணிக்கை குறைத்து காட்டப்பட்டுள்ளதாக என்ற கேள்வியினை பலரும் எழுப்பியுள்ளனர்.
அரசாங்க தரப்பில் இருந்து இதற்கான தெளிவான பதிலைக் காணதபோதும், மேலும் இரண்டு வாரங்களுக்கு பொதுமுடக்கம் நீடிக்கபட வேண்டிய கட்டாயம் பிரான்சுக்கு உள்ளதென சுகாத்துறை அறிஞர்கள் சிலர் தெரிவிக்கின்றனர்.
காரணம், புதிதாக வைரஸ் தொற்றுக்கு உள்ளானவர்களின் எண்ணிக்கை கணிசமாக காணப்படுவதோடு, மருத்துவமனைகளில் இன்னமும் சுகாதார நெருக்கடி குறையவில்லை என சுட்டிக்காட்டுகின்றனர்.
நாடு பொருளதார நெருக்கடியின் தொடக்கத்தில் இருப்பதாக சமீபத்தில் தெரிவித்திருந்த அதிபர் ஏமானுவல் மக்ரோன், பொருளாதாரத்தை மீள கட்டியெழுப்புவதற்கு பொதுமுடக்கத்தை நீக்கம் செய்து தேசமாக எழவேண்டிய கட்டாயத்தில் நாடு இருப்பதாக கூறியிருந்தார்.
ஆனால் பொருளதாரத்தினை விட சுகாதாரதமே முக்கியமானதென 53ம% வீதமான பிரென்சு மக்கள் கருத்துக் கணிப்பொன்றில் தெரிவித்துள்ளனர்.