பிரான்ஸில் ஒரு இலட்சம் சாவுகள்! அதிகளவில் ஆண்களைக் கொலை செய்தது கொரோனா!!

இன்று வியாழக்கிழமையோடு, கொரோனா வைரசினால் சாவடைந்தவர்களின் எண்ணிக்கை ஒரு இலட்சத்தை கடந்துள்ளது. இப்பதிவில், சாவடைந்தவர்களின் வயது வரம்பு, மாகாணம், பாலினம் போன்ற முழுமையான தரவுகளை காணலாம்.

வயது

இதுவரை சாவடைந்தவர்களில் 84% வீதமானோர் 70 வயதுக்கு மேற்பட்டவர்களாவர். அதிலும் 60 வயதுக்கு மேற்பட்டவர்களின் எண்ணிக்கை 95% வீதமாக உள்ளது.

இதுவரை 20 வயதுக்கு கீழ் 12 பேர் சாவடைந்துள்ளனர். 30 வயதுக்கு கீழ் 209 பேரும், 40 தொடக்கம் 50 வயதுக்குட்பட்டவர்கள் 700 பேரும் உள்ளனர்.

மருத்துவமனை

இந்த ஒரு இலட்சம் சாவுகளில் 26% வீதமானவை (26.145 பேர்) முதியோர் இல்லம், மருத்துவ காப்பகங்களில் சாவடைந்தவர்கள் ஆவர். மீதமான 74% வீதமானோர் (73.632 பேர்) மருத்துவமனைகளில் சாவடைந்துள்ளனர்.

மாகாணம்

அதிகம் பாதிக்கப்பட்ட மாணாகங்களில் தொடர்ந்தும் இல் து பிரான்சே முதல் இடத்தில் உள்ளது. iங்கு 17,780 சாவுகளும், இரண்டாம் இடத்தில் 10.438 சாவுகளுடன் Rhône-Alpes-Auvergne மாகாணமும், மூன்றாம் இடத்தில் 9.243 சாவுகளுடன் Grand Est மாகாணமும் உள்ளது.

பாலினம்

சாவடைந்த இந்த ஒரு இலட்சம் பேரில் அதிகளவில் சாவடைந்தவர்கள் ஆண்களே தான். 58% வீதமானவர்கள் ஆண்களும், 42% வீதமானவர்கள் பெண்களும் என மொத்தம் 100.000 பேர் சாவடைந்துள்ளனர்.